७६ पटक हेरिएको
प्रकाशित: २०७५ आषाढ १२ , १८:०७ बजे

डडेल्धुराको उपक्षेत्रीय अस्पतालमा थप सेवा विस्तार

Image

डडेल्धुरा, १२ असार । यहाँको उपक्षेत्रीय अस्पतालले शिशु सघन कक्ष एनआइसियु, इण्डोस्कोपी र स्वचालित उपकरणसहितको प्रयोगशाला र थाइराड सेवा विस्तार गरेको छ ।

उक्त सेवा सोमबार शुभारम्भ गर्दै प्रदेश–७ का मुख्यमन्त्री त्रिलोचन भट्टले अब यस अस्पतालले विगतको भन्दा अझ उत्कृष्ट सेवा दिन सक्षम भएको बताए ।

प्रदेश–७ का दुर्गम स्थानमा उपचारको कुरा त परै जाओस् सिटामोलजस्ता सामान्य औषधि पनि समयमा नपुग्ने स्थानमा औषधोपचारको सहज व्यवस्था मिलाउनका लागि अहिले एउटा नीति प्रस्ताव गरिएको जानकारी दिँदै उनले यस प्रदेशका लागि यो अस्पताल नमूना अस्पताल बनाउन प्रदेश सरकार तयार भएकाले स्थानीय सरकार र राजनीतिक दललगायतले यसमा पहल गर्न जरुरी रहेको बताए ।

अस्पताल व्यवस्थापन समितिका अध्यक्ष लक्ष्मण सिंहले अस्पतालमा रिक्त रहेका विशेषज्ञ चिकित्सको पदपूर्ति गर्न र टेण्डर भई मूल्यांकन हुन नसकेको मुख्य अस्पतालको नयाँ भवन निर्माणका लागि पहल गर्न आग्रह गरे ।


About Author
-मानसखण्ड